Kya aapne pdha hai kabhi apne bachche ka man

    Ye bahut hi pechida sawaal lagta hai lekin hai sau takke ka. Ek 5 ya 10 saal ke bachche ke sabdo ko thik matlab nikalna usme chhipe uske ichhao ko samajhna ek kathin kaam hai. Jo unke bhavishya tak ko nirdharit karta hai.

    Ye thik usi tarah hai jaise 6 mahine ke bachche ke rone par yah samajhne ki koshish karna ki use kya preshani hai ya agar kahin pida ho rhi hai to kahan ho rahi hai? Jo sabke liye aasan nahi hota hai or kaafi had tak iske liye doctor ke paas hi jaana padta hai.  Jab bachcha bolne lagta hai to use samajhna aasan ho jata hai. Shuruaat me ham thodi bahut baate to samajh jate hain par saari baate nahi. Dhire-dhire wo time bhi aa jata hai jab hame unki ssari baate samajh ane lagti hain.

    Or ek din aisa bhi ata hai jab ham bachcho ki baate sirf matalb padne par hi sunte hain kyoki bachche apne me hi kuch na kuch bolte rahte hain or ye unke khelne ka ek tarika hota hai. 

    Ab mai sidhe topic par ata hu ki bachcho ke mann ki baat ka kya matalb hai. To iska sidha matlab ye hai ki bachche kahna kya chahte hain or ham samjhte kya hai. Unke thode se bolo me wo jaane kya kuch kah jaate hain jo hme sunane me to simple sa lagta hai or ham use simple talk me lekar chhod dete hain.

     Aayiye ek example lete hain

 kuch bachcho se pucha gya ki wo bade hokar kya bnanaa chahte hain. Is question par kuch ke jawaab kuch is tarah the

• Mai bada hokar Doctor banunga or logo ko thik karunga
• Mai bada hokar pilot bananaa chahta hu
• Mai bada hokar engineer bnunga or dher saare avishkar krunga

Aise hi or bhi na jaane kitane jawab mile. Ab tak ap ne inme kya notice kia. Shayad kuch ne kar lia ho lekin chalo mai batata hu. Har ek ka jawaab ek simple talk me le to sabne apni ichchha jataayi. Lekin in jwabo ki gahrayi me hame kuch nya dekhne ko milta hai. 

    Aapko kya lagta ki har bachche ka alag jawaab kyu hai? Shayad sabne jo man me aaya bol dia ya jo jise pasand hai wo bol dia. Thik hai man me jo aya or jo pasand hai dono thik hai. Lekin kyo sabki pasand ek jaisi nahi hai, yahi sochne wali baat hai. 5 se 10 saal ke beech ka bachcha to sirf padhayi ki shuruat kar rha hai koi special stream nahi koi special subject nahi. Agar subject padh rha hoga to bhi 2nd ya 3rd class ka bachcha pilot,doctor ya engineer ke subject alag se lekar nahi padhta. Fir kyo sabka answer ek jaisa nahi, soch ek jaisi nahi. Yahi se pakad me aati hai MANN KI BAAT. 

   Asal me ye jawab  un chijo ki taraf unka jhukav or lagaav dikhaate hain. Kuch mamalo me parents bachcho ko bachpan se hi ek spne ke sath bda karte hain or aise question par unka wohi rta rtaya answer milta hai par 99% answer unke khud ke sapne hote hain. Yahi unke duniya ko dekhne ka najariya bhi btate hain.

    Bachcho ka dimag ek samay ke baad kisi khaas chij ko pasand ya napasand karne lagta hai or isse panapnti hain unki ichchhaye or sapne. Aapko bas unhe samay se jaanane ki jarurat hoti hai.

    Ye to matr ek example tha jaruri nahi ki aap isiko follow kare. Aisi choti chhoti baato me bachcho ka interest pta chalta hai or ham use ignore karte jate hain or aapke wo sapne jo aap pure na kar sake unpar thopna shuru kar dete hain. Or ek time aata hai jab wo aapke mutabik chalte chalte chalna hi bhul jaate hain. 

    Us samay bhi un par jindagi me kuch na kar paane or samay barbad karne jaise taane mare jaate hain. Apko lagta hai ki aapke in tano ka un par kuch acha asar hoga par us samay tak to wo khud bhi bhul chuke hote hain ki wo kya chahte the. Wo chah kar bhi kisi khas kaam ke liye kadam kyo nahi utha pa rhe darasal unke us kisi khaas chij ke liye jhukav or lagaav aapke nirdesho ke bojh se mar gya hota hai or natiza unke samne ek aisi situation a jati hai ki wo kisi khaas kaam ko chunate to hain lekin uspar apna 100% nahi de pate.

   Kaha jata hai Ek bachche ka mann bahut hi komal hota hai , par mai kahta hu ki Ek bachcha apna bhavishya bachpan me hi aapke saath duniyadari ko dekhte huye hi tay karne lagta hai. Jarurat hai to aapko samay rahte uske sapno ko aakar dene ki, unko support karne ki. 

    Hame filmo ke madhyam se aise kai wakiye se rubru krane ki koshish ki jaati hain. Chaliye Ek film ka example lete hain. Kafee dino pahle Amir Khan ki ek film aayi thi ' Taare jamee par'. Jisme ek bachche ko kuch aisi mansik bimari hoti hai jisse aksharo ko pahchan nahi pata. Itefak se Amir khan jo is film me ek teacher ki bhumika ada kar rhe hain, ko is baat ka ehsaas ho jata hai or wo us bachche ko ek star ke roop me sabke saamne le aate hain jisme koi kami nahi balki ek khasoyat hoti hai. Lekin vasatav me aisa nahi hota. Chije bahut dhire dhire ghatit hoti hain or koi dusra aapke bachche par itna attention nahi karta. Or fir wohi jo maine upar btaya.

    Aap swayam time time par ise notice kariye unke mann ko padhiye or unke interest ko jaaniye. Unke sapno ko pankh dijiye or fir dekhiye unki udaan. Meri in baato ko shayad kuch log serious na le par ap jarur lijiye kyoki ye aapke bachche ke bhavishya ka sawaal hai  

    Mai asha karta hu ki aap aisi kisi situation se do chaar na ho rahe hain  ho apna vichaar mujhse baatne ke liye comment box me comment kare.