Poultry Business kaise shuru kare. Hindi me paaye puri jaankari

    Kya aap poultry farming shuru karna chahte hain or iske baare me puri jaankari hindi me vistar se chahte hain. Ayiye mai aapko btata hu ki kaise aap poultry ki shuruaat kar sakte hain. Agar aap isme seriously invest karna chhahte hain to aapko iske baare me kuch baate pta honi chahiye.

    Poultry ki ek nahi kayi shakhaye hain. Jise aap business ke roop me start kar sakte hain. Chicken ki badhti demand ko dekhte huye agar aap soch rahe hai ki poultry business ki shuruaat kaise kare to aap ko kuch ye baate jaanni jaruri hai. Agar aap chiken khate hain to jaante honge ki ab deshi murgo ka chicken milna kitna muskil hai. Market me jyadatar broiler chicken hi milta hai. Ab aap tay kare ki aap kaun sa chicken ka business karna chahte hain.

    Jahir hai ap broiler me hi jana chahenge. Ab ham baat karte eggs ki. Market me eggs ki bahut demand hai lekin ye layer poultry me aata hai. Broiler ke mukable aajkal layer poultry jyada secure hai. Kyoki ande ka rate jaldi jaldi girta-uthata (up-down) nahi hai. Or isme fayda bhi kafee hota hai. Ab aap fir se fash gaye ki layer poultry achi hai ya broiler poultry. Ise baad me decide karte hain. Pahle dekhte hain poultry me or kya kya business kiya ja sakta hai.

     Poultry business me aap feed ka business bhi kar sakte hai. Jaise feed manufacturing ya kisi badi feed company se attach ho kar Feed supply ya distributing bhi kar sakte hain. Market me iska rate feed quality par nirbhar hota hai or yeh up ya down nahi hota. Isme aap apni mehanat se kaafi achchi kamayi kar sakte hain. Bas agar apna feed plant daal rahe hai to apne brand ko promote karke ya agar kisi company se attach hai to uski jyada se jyada selling karke.

    Iske baad aata hai chicken trading ka number. Is business me bhi aap thode paise lgakar acha start up le sakte hain. Isme karna ye hota ki agar aap chhote level par shuru karna chahte hain to koi chhoti gadi kharide or usme bird cages lagwaye. Aapne dekha bhi hoga murgo ki gadiyo me almaariyo jaise khaane bane hote hai. Is tarah gadi taiyar karke aapko chicken sale karne walo se demand order lena hai or maal supply karna hai. Isme aapko live bird poultry farm se ya murgo ki badi mandiyo ke bade traders se kharidne padte hain or order ke hisaab se supply karna padta hai. Isme per bird ya per KG commision fix hota hai. Bade level par karne ke liye aapko badi mandiyo me contact karna pdega aur pahle apni achchi pahchan bnani padegi. Ye thoda mushkil hota hai lekin agar aap ke paas achche paise hain to aap kar sakte hai. 

    Ab aap fir se aa jayiye murgo par aur sochiye ki murge kahan se ate hain. Ji aap thik soch rahe hain Chujo ( chicks) ko feed khila kar ek limited time period me murga bnaya jata hai fir taiyar hota hai aapka chicken.

    Ab aapke paas hai poultry business me ek or option, chicks ka. Ye aata hai breeder poultry me. Ye bhi poultry ki ek shakha hai.  Iske liye breeder farm bnaye jate hain. Lekin iska budget kafee bda hai isliye aap ise rahne hi de to thik. Fir bhi jaante hai breeder farm se chicks kaise taiyar kiya jata hai. 

    Breeder farm ki murgiya jo ande deti hain use ek machine me rakha jata hai. Jisme se ek time period ke baad chicks nikalte hai. Is time period ko Hatch period ya Hatch time bhi kah sakte hain. Aisi machines ko ek plant bna kar lagaya jata hai. Jise Hatchery kaha jata hai. Ab aap ke paas ek or option hai, Hatchery plant ka. Or yeh chhote level par bhi kiya ja sakta hai.

  Iske alawa poultry ki medicine or vaccine bhi aati hai. Lekin isse aapke business karne se koi lena dena nahi. Ye badi badi medicine companies karti hain. 

    Ab tak agar aapne net par Murgipalan karke search kiya hoga to aapko basic jaankari mili hogi. Lekin Murgipalan se itane business jude hai ye aapko nahi pta rha hoga. To agar aap Poultry ya Murgipalan business karna chahte hain or jaanna chahte ki poultry business se paise kaise kamaaye to mere saath jude rahiye. Mai apko layer ya broiler poultry se start karne ko kahunga. Or aapko iski puri jaankari hindi me dunga. Kyoki iske alawa trading or hatchery ki mujhe bhi basic Jaankari hi hai. Broiler or layer poultry ke baare me baaki jaankari agli post me di jaayegi.

    Agar aapko poultry se related koi question puchhna hai to comment kare.