Jio ki daily limited free use ko 1 GB se kaise badhaye. Janiye kya hai asli sach

Jio ki ek din ki limit jabse ghat ke 1 GB ho gayi hai tab se Jio user ki pareshaniya badh gayi hai. Or shayad isliye internet par aisi lines dekhne ko mil jayegi.

• Jio ki 1GB limit remove kaise kre.
• Remove 1 GB limitation. Increase upto 5- 15 GB daily for lifetime with proof.
• Roj ka 5 GB data kaise paye
• 5 saal tak free Jio internet 
• 2017 ka sabse speed internet 20mbp pure din. No 128 kbps
• How to bypaas jio 1 GB. Chhutkara payiye limit se
• Jio 1 GB bhul jayiye. Unlimited chalayiye

Reliance walo ne Jio kya launch kia ki India me 4G speed interent ki kranti aa gayi hai. Filhaal ye offer Dec 2016 tak ke liye unlimited browsing or downloading ka tha lekin ise badha kar Jio users ko Happy New Year offer dete huye 3 month keliye extend kar diya gya.

Users ke liye ye bhi kisi tohfe ki tarah hi tha lekin daily free use ki limit unlimited se 1 GB kar di gayi. Ab jisne unlimited ka maja lekar chhod diya ho bhla unhe 1 GB se kaise santosh hoga. 

Bas isi ka fayda uthakar kuch log lakho karodo logo ko bewkoof bnana shuru kar diya. Aap kisi browser me browsing kar rahe ho ya youtube me koi video dekh rahe ho. Aapko achanak kahi na kahi se aise kuch post ya video ke title dikh jayege jaisa ki maine upar btaya hai.

Ye bhi jaane:-

• Aapka Jio sim prepaid hai ya postpaid kaise pta kare.

• Jio internet ki speed kaise badhaye.

• Apne android mobile phone ki speed kaise badhay. Bina koi app download kiye 100% working .

Agar aap interet me aisi App search kare jisase ki Reliance Jio ki speed badhayi jaa sake to aapko hazaro App bhi mil jayengi.

Lekin iske pichhe ka sach ye hai ki kisi bhi tarah ki App aisa kuch bhi nahi kar pati jisase aisa kia ja sake ki aap Jio daily free limit ko badha kar 1 GB se jyada kar sake.

Maine kul milakar 27 aise App try kiya jisme daava kiya gya ki free limit badh kar 4- 5 GB daily ki ho jayegi. Lekin aisa kuch bhi nahi hua. Jaise hi 1 GB data khatam hota hai. Speed kam hokar 128 kbps ho jati hai. Or kuch aisa message aa jata hai.

Dear Customer,

You have crossed the high speed data threshold on your Jio Number 8770xxxxxx as of 11-Jan-17 00:14 hrs. Internet speed has been reduced to 128 Kbps. Your high speed internet will be restored within 24 hours. To continue enjoying 4G speed, recharge with our data packs now through MyJio app click https://www.jio.com/GetMyJio

Thank you,

Team Jio

Friends agar aap bhi is post ka title padhkar sirf is lalach me is post ko padh rahe hai ki aap Jio se din bhar me 1 GB se jyada net use kar sakte hain. Or mai aapko aisa koi trick ya tarika btane wala hu to aap galat hain.

Kisi bhi network me free internet chlane ka sochna bhi bewkoofi hai. Kyoki jo company itna bada network chla rahi hai. Crodo arabo customers ko deal kar rahi hai. Use ek chindi se trick ke madhyam se hack ya crack kar lena easy nahi hai. 

Kisi bhi tarah ki hacking ek crime hai. Or agar aisi koi hacking availibilty galati se ho jati hai to pure network me hadkamp mach jayega or wo network company use thik karne me 1 minute ka bhi der nahi karegi.

Kuch website ya youtube video me to khud My Jio ki App se hi trick karte huye dikhaya gya hai. Jisme wo aapse sabse purane MY Jio App ko download karne ke liye kahte hain. Or fir kuch steps samajhane ke baad  aapko apne mobile me ramaining today data 4GB ya 5 GB dikhate hain or aap yakin karke use try karne lagte hain. Lekin hota kya hai ki jab aap ise try karte hain to 

App download nahi hoti. 

Agar ho bhi gayi to steps follow nahi kar pate.

Agar steps follow ho bhi gaye to usage limitation me koi fark nahi padta.

Last word:-

Aap kisi tarah ki APN setting se shayad apne phone me internet ki speed to thoda bahut badha sakte hain. Lekin free use limitation kabhi bhi nahi.

Agar aap Jio 1 GB se jyada daily use karna chahte hain to uske liye Jio team ne booster plan diya hai. Uska fayda lijiye. Sirf or sirf isi se aap apne free use ko full speed me chla sakte hain. Ye koi khaas costly bhi nahi hai.

Jio ka plan Booster 51 Rs se start hai jisme aapko 1 GB data milta hai. Filjaal abhi yahi sabse sasta or acha 4G data plan hai. Ise use kariye or jitni baar chahe utni baar apni using limit ko badhaye


Agar aapko ye post achi lage to jyada se jyada share kare. Jisase log aisi bewakoofiyo se bache or apna time khrab hone se bachaye. Is website kya2kaise.com par aapko sirf wahi jankari milegi jo real hai. Kisi tarah ki koi fake ya galat jankari nahi milegi. To kya2kaise.com ko yaad rakhiye or kabhi visit krke nayi nayi jankari lete rahiye. Jio se related news se judi apni opinion hame comment box me dijiye.