Online marriage ( shaadi ) registration kaise karaye

Aaj bhi kayi marriage sirf or sirf riti riwazo par hi hoti hai. Iska koi registration nahi karwata hai. Aisa shayad isliye kyoki Pahle shaadi register karane ke liye kafi parshani ka samna karna padta tha lekin ab aisa nahi hai. Ayiye dekhte hain marriage registration kyu jaruri hai. Internet ki help se shadi register kaise karwa sakte hain. Or marriage cetificate online kaise banwate hain.

Marriage registration kaise online karaye

Marriage certificate banwana kyo jaruri hai

Shadi ka certificate banwana bahut hi jaruri hai. Indian kanoon ke mutabik har shadi shuda jode ka marriage certificate hona jaruri hai. Ye isliye bhi jaruri hai kyoki ye ek taur par aap dono ke vivah bandhan me badhe hone ka kanooni proof hai. Iske alawa bhi kayi benefit hain.

• Agar aap desh se bahar jana chahte hain to iski help se ek person ke sath dusare ka visa ya passport asani se mil jata hai.
• Kisi karan se marriage tutne par aap property ke liye legal right claim kar sakte hain.
• Iski help se female ka kisi bhi tarah ka document jaise bank account aasani se khul jata hai. Agar unka sasursal ghar se jyada door par ho jata hai to address proof easily ban jata hai.

Marriage registration ke liye jaruri documents

• Residence ka proof

• Dono ke janm ka praman patra

• Dono ke dwara sign (hastaxar) kia hua application form

• Dono ke dwara sign kiya hua affidavit jisme marriage ka sthan ( place ) , date or time, witness ( gawaah ) ka sign ho.

• Agar yeh dono me se kisi ka dusra vivah hai to uska divorce paper ya pahle pati ya patni ka death cettificate ( in case of widow or widower )

Hindu marriage act ke tahat online registration kaise karaye

Iske liye aapko pahle Hindu riwaz ke hisab se viwaah karna padega. Fir apko marriage certificate ke liye iska proof lgana hoga. Iske liye aap niche diye gaye steps follow kariye.

Step 1:- Sabse pahle aap marriage certificate ke liye online registration form download kriye. Ise aap niche diye link par jakar download kar sakte hain. (Note-  Ye Delhi govn. ki site hai. Agar aap kisi or state se hain to wahan ki site google par ( edistrict + state ka naam dalkar ) simply search karke open kare. Har state ka process lagbhag ek jaisa hai.)

edistrict.delhigov.nic.in

Step 2:- Website par  account bnakar pahle aapko is site par registration karana hoga. Account banane ke liye Website par Registration for marriage par click kariye.

Related articles

• Ek accha jeevansathi kaise paaye

• Ek acchi or perfect patni ( wife ) kaise bane

• Ek achi or perfect bahu kaise bane

• Acche Mata pita kaise bane. Bachho ki acchi parvarish kaise kare

• Khush rahne or sabko khush rakhne ke kya tarike hain

Step 3:- Ab jo page open hoga wo login page hai. Aap yahan par Registration par click kare.

Step 4:- Isme apko apna voter I card ya Adhar card me koi ek document ki photo dalni hai.

Step 5:- Next option me aapko is document ka number dalna hai. Sath me diya hua code bhariye or Continue par click kar dijiye. Ab mobile number or jaruri detail bhar kar register par click kar dijiye.

1. Registration ke liye mobile number bharna jaruri hai.
2. Koi bhi information galat ya jhoot nahi bharni hai. Nahi to registration cancel kar dijya jayega.
3. Registration process complete karne ke baad aapne jo mobile number provide karaya hai. Us par aapko access code or password aayega. Fir aap form download kar sakte hain. 
4. Agar 72 ghante tak koi access code or password nahi aata to registration nahi hua mana jayega. Aapko website par dobara registration process pura karna padega.

Step 6:- Login karke form download krne ke baad form ko fill kare

• Husband or wife ka naam daliye.
• 3 witnesses ke sign lijiye jo shadi ke time par present rahe ho.
• Hindu riwaj se huyi shadi ki photo attach kariye.
• Ab is form ko marriage ragistrar ko submit kar dijiye.

Parsi marriage act ke tahat marriage certificate kaise banawaye

Parsi marriage act ke tahat aap niche diya hua process follow kariye.

Step 1:- Parsi riwaj se marriage krwaye. Jo ki Parsi prist (pujari ) ke samn karwani padegi.

Step 2:- Parsi prist hone wale husband or wife ke sign lenge. Sath me 2 witness ke bhi sign honge.

Step 3:- Iske baad wo aapko certificate de denge.

Step 4:- Is certificate ko aap marriage registrar ke yahan submit karaye. Marriage registrar dwara aapko legal marriage certificate provide kar diya jayega.

Special marriage act ke tahat shadi ka registration kaise karaye


Jab ladka or ladki dono alag alag religion hote hai to unhe apni marriage register karane ke liye special act ko follow karna pafta hai. Iske liye in steps ko follow karna padta hai. Jisme proper court marriage jaisa process hota hai

Step 1:- Court marriage se 30 din pahle bride or groom ko notice deni padti hai. Aisi notice ladka ladki apne local juridiction me aane wale court me de sakte hain.

Step 2:- Aisi notice par agar kisi ko koi objection hogi to court pahle uski sunwayi karegi.

Amazon Ad

• Buy Dulhan lahenga at just ₹6199

• Buy Sherwani at just ₹3199

Step 3:- Agar 30 din tak kisi ne koi objection nahi kia to ladke or ladki ko 3 gawaah (witnesses )ke sath marriage registrar ke office me appear (pesh) hona hoga. Jahan par dono registrar ke samne shadi ki shapath lenge.

Step 4:- Iske thik 90 din ke baad ladka or ladki ko apne riwaj ke anusar shadi karni padegi.

Ye bhi padhe:-

Driving license kaise online banaye

• Online FIR kaise likhwaye


• Mobile se direct account me paise kaise transfer kare

Step 5:- iske kuch din baad marriage certificate provide kar diya jayega.


India me marriage certificate kaun le sakta hai

India me kisi bhi religion (Dharm) ke ladke or ladki ki shadi ke liye ek age limitation rakhi gyi hai. Jisme koi ladka jisne apni age ( umra) 21 saal or ladki jisne apni age 18 saal puri kar li ho. Apni marji se shadi kar sakte hain or legal registration karwa kar marriage cerificate le sakte hain.

India me marriage registration ki fees ( shulk ) kya hai

Hindu act ke anusar shadi ka registration karane ki fees Rs. 100 hai.

Parsi act ke anusar marriage register karane ke liye Rs. 3 or certificate ki fees Rs. 2 hai

Special act ke anusar shadi register karane ki kul fees Rs. 150 hai.


India me marriage ka process bahut hi simple easy or smooth hai. Iske liye aapko jyada pareshan hone ki jarurat nahi padti. Baki ki jankari ki marriage registration online kaise karana hai, maine aapko easy tarike se bta diya hai. Agar fir bhi aapko kisi tarh ki koi pareshani hoti hai to aap comment karke puch sakte hain.