Achche mata pita kaise bane. Bachcho ki dekhbhal kaise kare - 15 best parenting tips in hindi
Bachche ke janm lete hi har maa baap yahi sochte hai ki uska bachcha sabka chaheta, sabse pyara, sabki baat manane wala, sabki aankho ka tara or sabse badi baat ek acha insan bane. Ye sab kuch depend karta hai ki aap apne bachcho ki dekhbhal ya paravarish kaise karte hain. Bachche ka behaviar ache paalan poshan ka maanak hai. Kuch parenting tips jinhe follow karke aap ek ache mata pita ya gaurdian ban sakte hain or bachche ko ek acha bhavishya de sakte hain.
How to take care of my child - hindi
Bachcha chahe 1 saal ka ho ya 15 saal ka, bheed ka dhyan khichta hai to har maa baap ko acha lagta hai. Logo ki najar bachche par jaati hai to apne aap uske baad uske mummy ya papa ko dhudati hai. Ye uski bolne, chalne, uthne, baithne ya muskurane ki kala ho sakti hai. Jo sirf or sirf good parenting ka hi kamal hai. Aisi kayi baate hain jo aap daily dekhte hain or sunate hain. Jinhe dekh kar aap sochte honge ki ye mere bachche me kyo nahi hai.
Bachche ki dekhbhal aisa subject hai jo social bhi hai or psychological bhi. Iske liye aapko isase related kayi kitaabe ya ho sakta hai kayi sodh padhna pare. Yahan aise kisi bhi sodh ya kitaab se li huyi janakri to share nahi ki ja rahi hai. Lekin jeevan se judi kuch aisi baate hain jo agar aap dhyan de to apne bachche ki parvarish achi tarah kar sakte hain.
Bachche ka sanskar uska swabhav or logo ke liye soch, sab kuch uske maa baap par nirbhar karta hai. Wo kya, kahan or kisase se sikhta hai, iske jimmedar uske parents hi hote hai. Kayi maa baap is baat se jindagi bhar pachhtate hai ki unhone apne bachche ke liye sahi decision sahi time par kyo nahi liya. Kisi ek mamle me ek kada kadam aapke bachche ko kayi galat raste me jaane se kuch samay tak rok sakta hai. " Abhi bachcha hai, samajhdar ho jayega to aisa nahi karega" Kuch aise sentence hote hain jo abhi bolne par aapko baad me sochane me majboor kar dete hain to kuch aise bhi sentence hai jo bolne ke baad aapko jindagi bhar sochna padta hai.
Sab kuch sahi ho or aapke sochne ke anusar ho aisa sayad sambhav nahi hai. Lekin prayash jaari rakhe ek ache mata pita ya gaurdian banane ki. Kyoki ye aapke bachche ke future ka sawal hai.
Parenting tips in hindi
1. Aap kya or kaise karte hai
Bachcho ki observation power bahut hi strong hoti hai. Rone ko chhod de to bachcha har ek kaam duniya me aane ke baad hi sikhta hai. Isliye bachche ke samne aap kya bolte ya karte hain. Iska dhyan de. Aapka ek ek action bachcha notice karta hai or fir sab kuch mirror ( Shishe ) ki tarah aapke samane aata hai.
2. Language me clearity laye -
Aap gaon se hain ya city se. Iska koi fark nahi padta. Aapki bhasa aapki pahchan hai lekin usme bhi high or low level ka dhyan rakhe. Ghatiya sabdo ka prayog na kare. Bachche ke samne majaak ka star ek limit tak rakhe. Saaf or ache sabdo ka prayog karta bachcha ek alag tarah ka prabhav dalta hai. Isme bachche ki umr matter nahi karti wo kisi bhi umr me apni language or attitude se society me aapki respect badha ya ghta sakta hai.
3. Jyada loving na bane
Apne bachche ke parati jyada pyar dikhana aapko bhaari par sakta hai. Pyar karna or dikhana alag alag chije hai. Apne bachche ki har ichcha puri kar dena har maa baap ka sapna hota hai. Lekin achi parenting wahi hai jo ache or bure me fark karke ki gayi ho. Isliye apne bachche ke prati pyar or usase apke bachche par padne wale effects ko akele me baith kar appriciate kare.
4. Jabardasti daant ya fatkar na lagaye
Aas padosh ka kharab mahaol or bigadte bachcho ko dekh kuch parents apne bachcho ko har samay daantate rahte hain. Kyoki unhe lagta hai ki aisa karne se unka bachcha unke control me rahega. Lekin aage chalkar pta chalta hai ki iske bilkul ulta hota hai or bachcha bigad jata hai. Maa baap ka darna bhi jayaj hai lekin samasya ka hal ye nahi hai. Isake liye aap bachche par najar rakh kar ache or bure me fark samajha ke kar sakte hai. Har samay daantane se bachche iske aadi ho jaate hain or ye unke daily routine ka hissa ho jata hai. Or aapke muh se nikali wo baat bhi unhe galat lagne lagati hai jo kal tak unhe sahi lagati thi.
5. Samjhane ka wakt dekhe fir samjhaye
Jyada possessive parents ( Kuch parents jo is baat ko samajhate hai ki daatna problem ka solution nahi hai ) apne bachche ko har baat me samjhate rahte hai. Iska bhi galat effect padta hai or ek samay wo bhi aata hai jab aap use samajhane ki machine lagne lagte hain or aapki baato ka koi fark un par nahi padta. Har chij ka ek time hota hai. Agar bachcha kuch galat kar rha hai to beshak aap use wahin par turant tok ya bol ya samajha de lekin baat baat me tokna or samjhana sahi nahi hai. Ek ache mauke ka intazar kare or ek saral tarika apnaye.
6. Jyada helping na bane
Bachche ko self depend banane de. Aapka unke liye jyada helping hona apke or unke dono ke liye harmful ho sakta hai. Iski shuruaat aap unke umar ke kisi bhi padav par kar sakte hain. Ek 2 sal ka bachcha toilet se aakar khud apni pant pahne to aapko yakinan acha lagega. Roj nahi to kabhi kabhi, lekin aisa karne ki aadat dalwaye.
Agar nahi to 4 saal ke bachche ko uske school se mila homework khud karne ko kahe. Isase jyada to kuch nahi lekin wo ye samajh jayega ki kuch chije aisi bhi hain jo use khud hi karni hain. Iske liye bhavishya me wo hi jimmedar hoga.
7. Encourage karte rahe
Bachcho ko encourage kare. Har kaam me ye na soche ki wo bachcha hai or koi kaam uske bas ka nahi hai. Bure kaamo ki baat na kare or sirf naitik kaamo ki baat kare to samay or umra se jyada bda kaam, bada risk lene ke liye encourage karte rahe. Kam umar or bada kam ya bada decision apne aap me sarahaniy hota hai. Isliye mana karne ki jagah par uske liye gaye bade faisalo me uska sath dijiye. Agar aapka bachcha aise faisale lene ke liye aage nahi aata hai to aap iske liye use prerit kare.
Bachcha 1 sal ka ho ya fir 20 saal ka ho agar saamne wale ki ummeed se badi jimmedari le or use pura kare to maa baap ka sir garv se uncha ho jata hai.
8. Duniya or logo ke baare me apni soch na thope
Aapka bachcha baki logo ke baare me kya sochta hai ye uski problem hai. Is mamale me log khud nahi samajh pate ki unhe kya karna chahiye. Apka najariya kya hai ise apne bachche par na thope. Unhe apne najar se duniya ko samajhne dijiye. Haan aap is kaam me unki help kar sakte hain. Ache or bure ka antar bta sakte hain.
Ye bhi padhe:-
Aaj aap jahan hain aapke najariya ke karan hain chahe shoharat ki bulandiyo par hain ya nahi. Apne bachche ko bhi apni life apni sharto par jeene dijiye or logo ko samajhne or parakhne ki kala uske andar panapne dijiye. Aap is kala me uski thodi bahut help kar sakte hain lekin un par apne vichar thopane se bache.
9. Full parenting ki koshish na kare
Agar bachche ke mother ya father me se koi ek na ho to ek ko sari jimmedari leni hi padegi lekin agar dono hain to kabhi bhi full parenting ki koshish na kare. Koshish kare ki mata or pita alag alag field ki duty rakhe. Agar ek hi baat me maa kuch or decision le or pita kuch or lete hain to bachcha confuse hokar aapse discussion karna band kar dega. Or apne aap decision lene lagega jo uska future destroy kar sakta hai.
10. Comparison ( tulna) na kare
Ek famous or manjhe huye kalakar ke samne koi bachcha ye kahta hai ki mai aapke jaisa banana chahta hu. To kalakar kahta hai " Aap mere nahi apne aap jaise bano. Apne aapko pahchano. Duniya apko tabhi yaad rakhegi jab apka style dusaro se different ho, unique ho. Kuch aisa karo ki log aane wale samay me aapki nakal kare."
Kabhi bhi apne bachche ka comparison kisi or ke sath na kare. Aap us umar me kya the ya koi or kya hai. Lekin aapka bachcha kya rah gya hai. Is tarah se na kabhi soche or na hi apne bachche ke samne aisi baate kare. Apne bachche ke style ko appriciete kare. Agar jarurat lage to thodi bahut sudhar kar sakte hain. Wo kya kar rha hai, kya achive kar rha hai, use appriciete kariye. Koshish kare ki compare karne se bache. Isase unka aatm vishwas badhega. Kisi or se comparison unhe adhure pan ki feeling dega jo unhe discourage kar sakta hai.
Yahan bhi umr ka khas dhyan na de to sochiye agar aapka 5 saal ka bachcha padhane me kamjor hai. Or aapke neighbour ka baccha bahut hi tej hai. Ise lekar aapko tension ho sakti hai. Lekin ise lekar agar aap bachche par dabav dete hain to isase aapke bachche ke natural growth par effect padega. Dhyan dijiye ho sakta hai aapka bachcha ek field me weak hai to dusare me strong ho. Comparison ke bajaay uske natural skills ko develop karne me uski help kare. Ye aapke prati uska vishwas or gahra karegi. Jabki kisi or se comparison uske man me aapke liye ghrina paida kar sakta hai. Kuch bachche aisa bhi sochne lagte hain ki wo apke ghar me paida hi kyo huye.
11. Bachche ke skills ko time rahte pahchane
Bachche bado ko follow karke sikhate hain. Lekin agar aap bhi apne bachche ko acha future dena chahte hain to unhe unke bachpane se hi follow karna start kar dijiye. Aapke bachche ko kya pasand hai, agar aap is baat ko dhyan me rakh kar uska life goal set kar to aage chal kar na to apko or na to aapke bachche ko problem hogi.
Abhi se dekhna shuru kariye ki aapka bachcha kis kam ko karne me jyada interest dikhata hai. Uske liye usi tarah ki raah banayiye. Us work, game ya study field ke baare me achi jankari hasil kare. Us field me sahi , asaan or uchit rasta nikal ke rakhiye.
Aksar aisa hota hai ki bachche kya padh rahe hain, unka interest kis chij me hai. Iska pta unke parents ko nahi hota. Iska result ye nikalta hai ki bachcha apne sath ke bachcho ko follow karta hua aage badhta jata hai or life uske liye ek fight ring jaisi ho jati hai.
12. Dostane vyavhar me savdhani barte
Ye kafee chalan me hai ki bachcho ke sath friendly behaviar karo to wo apni sari bate aap se khul ke share karte hain. Ye sahi bhi hai lekin is par thodi savdhani baratani bhi jaruri hai. Kabhi kabhi jyada open relationship unhe kuch bhi galat karne se pahle aapki yaad nahi dilati. Unhe lagta hai ki wo jo bhi kar rhe hai aap unka support karenge hi.
Isliye is dosti ko kabhi kabhi strict parent ka bhi roop dete rhe. Isase unhe ye ehsas hota rahega ki sahi kaam ke liye aap unke dost to hai lekin galat karne par maa baap hi rahenge or unhe iski saja bhi mil sakti hai.
13. Sehat ( Health ) sabse jaruri
Samay se kisi baat ka khyal rakhna hai to apne bachche ke health ya sehat ka rakhe. Aapke bachche ka sharirik vikas time ke according ho rha hai ya nahi. Is baat ka dhyan dijiye. Is chij ki tulna aap dusare ke bachcho ke sath karke apne bachche par attention kijiye. Body sahi or maintain ho to sab kuch acha lagta hai, nahi to kuch bhi nahi. Ache bavishya ke liye samay samay par is baat ka dhyan de or apne family doctor se salah lete rahe.
14. Bachche ko samajik banaye
Ye ek khaas baat hai jo aapko bachche ke man me samay rahte dalni padegi. Kyoki sahi time beet jaane ke baad bachcha iski shuruaat nahi kar pata. Bahut se bachche kisi function ya party me jane se katarate hain kyoki unhe aisa lagta hai ki wo dusaro se behtar nahi hain ya dusare unse behatar hain. Is tarah aapka bachcha samaj ke sath puri tarah ghul mil nahin pata or iska asar future me badhte badhte itna badh jata hai ki wo khud ko sabse alag samajhne lagta hai.
Isliye bachche ko time se social or broad-minded bnane ki koshish kare. Or ye bachche ke pahle saal se hi dhyan me rakhe.
15. Ek se jyada bachche hone par sab par pura dhyan dena
Waise to 'ham do hamare do' ka sidhant sabse acha mana jata hai. Lekin fir bhi log apni ability or ichha ke according 1 ya 2 se jyada bachche pasand karte hain. Par pareshani tab aane lagti hai jab ek bachche ke man me dusare ke liye ghrina ane lagti hai.
Iska main reason unhe aisa lagta hai ki dusare ka khyal usase jyada rakha ja rha hai. 1 se jyada bachcho me ye problem aati hi hai. Ek ke samne dusare par thodi der ke liye bhi jyada attention pahle ko aisa feel deta hai ki wo kuch bhi nahi or dusra aapke liye sab kuch hai. Ye har umr ke bachcho par prabhav dalta hai.
Isliye dono ke beech apne pyar, khyal or dekhbhal ka balance bna kar rakhne ki koshish kare.
Try these:-
Last word
Ye baate na to kisi book me hoti hain na hi koi doctor inhe btata hai. Balki ye sari chije aapke ird gird ghumati rahti hai. Aap me se kuch log to inhe catch kar pate hain lekin kuch log ya to catch nahi kar pate ya karna nahi chahte. Kuch apni life me itane busy hote hain ki unhe itna sochne ka time hi nahi milta.
Aapke bachche ki achi parvarish aapko ek adarsh mata pita bnati hai. Ache logo ki mishale di jati hain. Ek bachcha jab bada hokar apna naam roshan karta hai to unke sath unke maa baap ka bhi naam roshan hota hai. In tips ke alawa bhi kayi baate hongi jo yahan chhut gayi hogi. Lekin ye tips bhi aapke bachche ko samajhne or use achi gaurdianship dene me madad karegi. Agar aapke paas kuch tips hain to comment box me dijiye taki ye post adhuri na lage.
How to take care of my child - hindi
Bachcha chahe 1 saal ka ho ya 15 saal ka, bheed ka dhyan khichta hai to har maa baap ko acha lagta hai. Logo ki najar bachche par jaati hai to apne aap uske baad uske mummy ya papa ko dhudati hai. Ye uski bolne, chalne, uthne, baithne ya muskurane ki kala ho sakti hai. Jo sirf or sirf good parenting ka hi kamal hai. Aisi kayi baate hain jo aap daily dekhte hain or sunate hain. Jinhe dekh kar aap sochte honge ki ye mere bachche me kyo nahi hai.
Bachche ki dekhbhal aisa subject hai jo social bhi hai or psychological bhi. Iske liye aapko isase related kayi kitaabe ya ho sakta hai kayi sodh padhna pare. Yahan aise kisi bhi sodh ya kitaab se li huyi janakri to share nahi ki ja rahi hai. Lekin jeevan se judi kuch aisi baate hain jo agar aap dhyan de to apne bachche ki parvarish achi tarah kar sakte hain.
Bachche ka sanskar uska swabhav or logo ke liye soch, sab kuch uske maa baap par nirbhar karta hai. Wo kya, kahan or kisase se sikhta hai, iske jimmedar uske parents hi hote hai. Kayi maa baap is baat se jindagi bhar pachhtate hai ki unhone apne bachche ke liye sahi decision sahi time par kyo nahi liya. Kisi ek mamle me ek kada kadam aapke bachche ko kayi galat raste me jaane se kuch samay tak rok sakta hai. " Abhi bachcha hai, samajhdar ho jayega to aisa nahi karega" Kuch aise sentence hote hain jo abhi bolne par aapko baad me sochane me majboor kar dete hain to kuch aise bhi sentence hai jo bolne ke baad aapko jindagi bhar sochna padta hai.
Sab kuch sahi ho or aapke sochne ke anusar ho aisa sayad sambhav nahi hai. Lekin prayash jaari rakhe ek ache mata pita ya gaurdian banane ki. Kyoki ye aapke bachche ke future ka sawal hai.
Parenting tips in hindi
1. Aap kya or kaise karte hai
Bachcho ki observation power bahut hi strong hoti hai. Rone ko chhod de to bachcha har ek kaam duniya me aane ke baad hi sikhta hai. Isliye bachche ke samne aap kya bolte ya karte hain. Iska dhyan de. Aapka ek ek action bachcha notice karta hai or fir sab kuch mirror ( Shishe ) ki tarah aapke samane aata hai.
2. Language me clearity laye -
Aap gaon se hain ya city se. Iska koi fark nahi padta. Aapki bhasa aapki pahchan hai lekin usme bhi high or low level ka dhyan rakhe. Ghatiya sabdo ka prayog na kare. Bachche ke samne majaak ka star ek limit tak rakhe. Saaf or ache sabdo ka prayog karta bachcha ek alag tarah ka prabhav dalta hai. Isme bachche ki umr matter nahi karti wo kisi bhi umr me apni language or attitude se society me aapki respect badha ya ghta sakta hai.
3. Jyada loving na bane
Apne bachche ke parati jyada pyar dikhana aapko bhaari par sakta hai. Pyar karna or dikhana alag alag chije hai. Apne bachche ki har ichcha puri kar dena har maa baap ka sapna hota hai. Lekin achi parenting wahi hai jo ache or bure me fark karke ki gayi ho. Isliye apne bachche ke prati pyar or usase apke bachche par padne wale effects ko akele me baith kar appriciate kare.
4. Jabardasti daant ya fatkar na lagaye
Aas padosh ka kharab mahaol or bigadte bachcho ko dekh kuch parents apne bachcho ko har samay daantate rahte hain. Kyoki unhe lagta hai ki aisa karne se unka bachcha unke control me rahega. Lekin aage chalkar pta chalta hai ki iske bilkul ulta hota hai or bachcha bigad jata hai. Maa baap ka darna bhi jayaj hai lekin samasya ka hal ye nahi hai. Isake liye aap bachche par najar rakh kar ache or bure me fark samajha ke kar sakte hai. Har samay daantane se bachche iske aadi ho jaate hain or ye unke daily routine ka hissa ho jata hai. Or aapke muh se nikali wo baat bhi unhe galat lagne lagati hai jo kal tak unhe sahi lagati thi.
5. Samjhane ka wakt dekhe fir samjhaye
Jyada possessive parents ( Kuch parents jo is baat ko samajhate hai ki daatna problem ka solution nahi hai ) apne bachche ko har baat me samjhate rahte hai. Iska bhi galat effect padta hai or ek samay wo bhi aata hai jab aap use samajhane ki machine lagne lagte hain or aapki baato ka koi fark un par nahi padta. Har chij ka ek time hota hai. Agar bachcha kuch galat kar rha hai to beshak aap use wahin par turant tok ya bol ya samajha de lekin baat baat me tokna or samjhana sahi nahi hai. Ek ache mauke ka intazar kare or ek saral tarika apnaye.
6. Jyada helping na bane
Bachche ko self depend banane de. Aapka unke liye jyada helping hona apke or unke dono ke liye harmful ho sakta hai. Iski shuruaat aap unke umar ke kisi bhi padav par kar sakte hain. Ek 2 sal ka bachcha toilet se aakar khud apni pant pahne to aapko yakinan acha lagega. Roj nahi to kabhi kabhi, lekin aisa karne ki aadat dalwaye.
Agar nahi to 4 saal ke bachche ko uske school se mila homework khud karne ko kahe. Isase jyada to kuch nahi lekin wo ye samajh jayega ki kuch chije aisi bhi hain jo use khud hi karni hain. Iske liye bhavishya me wo hi jimmedar hoga.
7. Encourage karte rahe
Bachcho ko encourage kare. Har kaam me ye na soche ki wo bachcha hai or koi kaam uske bas ka nahi hai. Bure kaamo ki baat na kare or sirf naitik kaamo ki baat kare to samay or umra se jyada bda kaam, bada risk lene ke liye encourage karte rahe. Kam umar or bada kam ya bada decision apne aap me sarahaniy hota hai. Isliye mana karne ki jagah par uske liye gaye bade faisalo me uska sath dijiye. Agar aapka bachcha aise faisale lene ke liye aage nahi aata hai to aap iske liye use prerit kare.
Bachcha 1 sal ka ho ya fir 20 saal ka ho agar saamne wale ki ummeed se badi jimmedari le or use pura kare to maa baap ka sir garv se uncha ho jata hai.
8. Duniya or logo ke baare me apni soch na thope
Aapka bachcha baki logo ke baare me kya sochta hai ye uski problem hai. Is mamale me log khud nahi samajh pate ki unhe kya karna chahiye. Apka najariya kya hai ise apne bachche par na thope. Unhe apne najar se duniya ko samajhne dijiye. Haan aap is kaam me unki help kar sakte hain. Ache or bure ka antar bta sakte hain.
Ye bhi padhe:-
Aaj aap jahan hain aapke najariya ke karan hain chahe shoharat ki bulandiyo par hain ya nahi. Apne bachche ko bhi apni life apni sharto par jeene dijiye or logo ko samajhne or parakhne ki kala uske andar panapne dijiye. Aap is kala me uski thodi bahut help kar sakte hain lekin un par apne vichar thopane se bache.
9. Full parenting ki koshish na kare
Agar bachche ke mother ya father me se koi ek na ho to ek ko sari jimmedari leni hi padegi lekin agar dono hain to kabhi bhi full parenting ki koshish na kare. Koshish kare ki mata or pita alag alag field ki duty rakhe. Agar ek hi baat me maa kuch or decision le or pita kuch or lete hain to bachcha confuse hokar aapse discussion karna band kar dega. Or apne aap decision lene lagega jo uska future destroy kar sakta hai.
10. Comparison ( tulna) na kare
Ek famous or manjhe huye kalakar ke samne koi bachcha ye kahta hai ki mai aapke jaisa banana chahta hu. To kalakar kahta hai " Aap mere nahi apne aap jaise bano. Apne aapko pahchano. Duniya apko tabhi yaad rakhegi jab apka style dusaro se different ho, unique ho. Kuch aisa karo ki log aane wale samay me aapki nakal kare."
Kabhi bhi apne bachche ka comparison kisi or ke sath na kare. Aap us umar me kya the ya koi or kya hai. Lekin aapka bachcha kya rah gya hai. Is tarah se na kabhi soche or na hi apne bachche ke samne aisi baate kare. Apne bachche ke style ko appriciete kare. Agar jarurat lage to thodi bahut sudhar kar sakte hain. Wo kya kar rha hai, kya achive kar rha hai, use appriciete kariye. Koshish kare ki compare karne se bache. Isase unka aatm vishwas badhega. Kisi or se comparison unhe adhure pan ki feeling dega jo unhe discourage kar sakta hai.
Yahan bhi umr ka khas dhyan na de to sochiye agar aapka 5 saal ka bachcha padhane me kamjor hai. Or aapke neighbour ka baccha bahut hi tej hai. Ise lekar aapko tension ho sakti hai. Lekin ise lekar agar aap bachche par dabav dete hain to isase aapke bachche ke natural growth par effect padega. Dhyan dijiye ho sakta hai aapka bachcha ek field me weak hai to dusare me strong ho. Comparison ke bajaay uske natural skills ko develop karne me uski help kare. Ye aapke prati uska vishwas or gahra karegi. Jabki kisi or se comparison uske man me aapke liye ghrina paida kar sakta hai. Kuch bachche aisa bhi sochne lagte hain ki wo apke ghar me paida hi kyo huye.
11. Bachche ke skills ko time rahte pahchane
Bachche bado ko follow karke sikhate hain. Lekin agar aap bhi apne bachche ko acha future dena chahte hain to unhe unke bachpane se hi follow karna start kar dijiye. Aapke bachche ko kya pasand hai, agar aap is baat ko dhyan me rakh kar uska life goal set kar to aage chal kar na to apko or na to aapke bachche ko problem hogi.
Abhi se dekhna shuru kariye ki aapka bachcha kis kam ko karne me jyada interest dikhata hai. Uske liye usi tarah ki raah banayiye. Us work, game ya study field ke baare me achi jankari hasil kare. Us field me sahi , asaan or uchit rasta nikal ke rakhiye.
Aksar aisa hota hai ki bachche kya padh rahe hain, unka interest kis chij me hai. Iska pta unke parents ko nahi hota. Iska result ye nikalta hai ki bachcha apne sath ke bachcho ko follow karta hua aage badhta jata hai or life uske liye ek fight ring jaisi ho jati hai.
12. Dostane vyavhar me savdhani barte
Ye kafee chalan me hai ki bachcho ke sath friendly behaviar karo to wo apni sari bate aap se khul ke share karte hain. Ye sahi bhi hai lekin is par thodi savdhani baratani bhi jaruri hai. Kabhi kabhi jyada open relationship unhe kuch bhi galat karne se pahle aapki yaad nahi dilati. Unhe lagta hai ki wo jo bhi kar rhe hai aap unka support karenge hi.
Isliye is dosti ko kabhi kabhi strict parent ka bhi roop dete rhe. Isase unhe ye ehsas hota rahega ki sahi kaam ke liye aap unke dost to hai lekin galat karne par maa baap hi rahenge or unhe iski saja bhi mil sakti hai.
13. Sehat ( Health ) sabse jaruri
Samay se kisi baat ka khyal rakhna hai to apne bachche ke health ya sehat ka rakhe. Aapke bachche ka sharirik vikas time ke according ho rha hai ya nahi. Is baat ka dhyan dijiye. Is chij ki tulna aap dusare ke bachcho ke sath karke apne bachche par attention kijiye. Body sahi or maintain ho to sab kuch acha lagta hai, nahi to kuch bhi nahi. Ache bavishya ke liye samay samay par is baat ka dhyan de or apne family doctor se salah lete rahe.
14. Bachche ko samajik banaye
Ye ek khaas baat hai jo aapko bachche ke man me samay rahte dalni padegi. Kyoki sahi time beet jaane ke baad bachcha iski shuruaat nahi kar pata. Bahut se bachche kisi function ya party me jane se katarate hain kyoki unhe aisa lagta hai ki wo dusaro se behtar nahi hain ya dusare unse behatar hain. Is tarah aapka bachcha samaj ke sath puri tarah ghul mil nahin pata or iska asar future me badhte badhte itna badh jata hai ki wo khud ko sabse alag samajhne lagta hai.
Isliye bachche ko time se social or broad-minded bnane ki koshish kare. Or ye bachche ke pahle saal se hi dhyan me rakhe.
15. Ek se jyada bachche hone par sab par pura dhyan dena
Waise to 'ham do hamare do' ka sidhant sabse acha mana jata hai. Lekin fir bhi log apni ability or ichha ke according 1 ya 2 se jyada bachche pasand karte hain. Par pareshani tab aane lagti hai jab ek bachche ke man me dusare ke liye ghrina ane lagti hai.
Iska main reason unhe aisa lagta hai ki dusare ka khyal usase jyada rakha ja rha hai. 1 se jyada bachcho me ye problem aati hi hai. Ek ke samne dusare par thodi der ke liye bhi jyada attention pahle ko aisa feel deta hai ki wo kuch bhi nahi or dusra aapke liye sab kuch hai. Ye har umr ke bachcho par prabhav dalta hai.
Isliye dono ke beech apne pyar, khyal or dekhbhal ka balance bna kar rakhne ki koshish kare.
Try these:-
Last word
Ye baate na to kisi book me hoti hain na hi koi doctor inhe btata hai. Balki ye sari chije aapke ird gird ghumati rahti hai. Aap me se kuch log to inhe catch kar pate hain lekin kuch log ya to catch nahi kar pate ya karna nahi chahte. Kuch apni life me itane busy hote hain ki unhe itna sochne ka time hi nahi milta.
Aapke bachche ki achi parvarish aapko ek adarsh mata pita bnati hai. Ache logo ki mishale di jati hain. Ek bachcha jab bada hokar apna naam roshan karta hai to unke sath unke maa baap ka bhi naam roshan hota hai. In tips ke alawa bhi kayi baate hongi jo yahan chhut gayi hogi. Lekin ye tips bhi aapke bachche ko samajhne or use achi gaurdianship dene me madad karegi. Agar aapke paas kuch tips hain to comment box me dijiye taki ye post adhuri na lage.
Comments
Post a Comment
Aapka comment approve hone ke baad show hoga. Approve hone me kam se kam 1 se 12 ghante lag sakte hain. Galat language or kisi website ki link wala comment post nahi kiya jayega.