Movies or film se English kaise improve kare - 8 great tips

English sikhna easy kyo nahi hai ? Ise easy kaise banaye. Agar aap soch rahe hai ki movie or film ka isme kya role hai ?  To is post me aapko is tarah ki information mil jayegi.  Speaking ke liye Movies or film kyo important hai ? Iske liye kya kare ? Or kaisi or kon si movies dekhni chahiye. Jisase aapki language speaking power improve ho sake.

Kisi bhi language ke liye environment bahut hi important hai. Lekin jaruri ye nahi ki wo environment aapko janm se mile. Ye aapke desire ki baat hai. Jab aap iske liye puri tarah taiyar ho tab aap aisa environment taiyar kar sakte hain. Aapka mind aapke aas paas chalne wale scene ke according dhal jata hain. Aapki thinking, living, language isi par depend ho jati hai.


To bas aapko apni jarurat ke anusar scene create karna hai. Or ye kaam aap sirf movies ke through hi kar sakte hain. Aap in 8 tips ko follow kariye or is tricks se apni English me jabardast improvement dekhiye.

Movies or film se English sikhne ke tips

Movie or film society me hamesha se badlaav ka karan rahi hai. Acha ya bura aap apne najariye ke according isase kuch bhi sikh sakte hain. To aaj ham ise apni language improve karne kiye use karenge.

1. Apni current language knowledge ke according film choose kare

Aap start kis film se karenge. Yaad rakhiye high level English aapka interest bnane se pahle lost kar sakti hai. Is liye aisi movie choose kare jisme low level words use kiye gaye. Jab aap language ko sikhne ke mood me hote hain or screen par bole ja rahe sentences me 60-70% bhi aapko samajh me aata hai to aapka interest badhne lagta hai.

• Fluently English bolne ke 3 best & unusual tips

Sentences ko samajhne ka matalab ye nahi hai ki aapko language ki achi knowledge ho gayi. Aap dhire dhire thodi tough words used film ki or badhe.


Test badalne ke liye aap beech beech me Hindi ya apni language ki film bhi dekh sakte hain. Jisase aap bore na ho. Iske liye bhi aap aisi movie choose kare jinme jyada se jyada English word ya sentence use kiye gaye ho. Isase aapka test bhi change hoga, aap bore bhi nahi honge.

2. Interesting movie choose kare

Jabardasti koi bhi movie dekhne na baithe. Apne interest ke according Action, Romantic, Thiller film ya crime based film ko choose kare fir dekhe. Iske pichhe reason ye hai ki aapka interesting subject hone par agar koi word ya sentence aap miss kar dete hain to bhi aage ke sentences se aap unhe automatically catch kar lenge.



Interest isliye bhi important hai ki kyoki jo baate hame pasand hoti hai use hamara mind jaldi assume karta hai. Agar aap aisi koi Hindi film bhi dekhte hain to bhi without interest aapko wo achi nahi lagti. Isliye is baat ka dhyan rakhiye ki wahi film dekhe jo aapko achi lage or aap scene ko pura enjoy kar sake. Ek baar language or scene ka combination aapke mind me banane lga to aapko English bahut hi easy lagne lagegi

3. Subtitle show hone wali movie dekhe

Aapne bahut se channel par dekha hoga ki movies ke sath TV screen par neeche dialogue bhi likh kar aata hai.  Ise subtitle kahte hain. Aisi filme dekhe jisme screen par subtitle show hote ho. In subtitles ko padhte jayiye. Kuch words 2 words ko milakar bhi bole jate hain jo ho sakta hai apko sunane me ache se samajh me na aaye. Aap in subtitles se unhe padh kar samajh sakte hain.

• Achi English bolne ke 10 Best tips

Film me aapko aise bahut se words sunayi padte hain jinhe aapne pahli baar suna hota hai. Kabhi kabhi aise hi words me puzzeled ho kar aap pure sentence ka matalab nahi samajh pate. Is condition me subtitles aapki help karte hain. Aise words ko dekhte hi aap samajh jaate hain ki ye aapne pahli baar suna ya dekha hai. Isase aap pure sentence ko milakar us word ki bhi meaning nikal sakte hain. Agar us word ki meaning aap nahi nikal pate hain to bhi baki ka sentence aapki samajh me aa jata hai.

4. English dictionary sath me rakhe

Is point ka sabse jyada dhyan dijiye. kyoki aise bahut se word film ke dauran aapke samne aate hai jinhe aap pahli baar sunte ya dekhte hai. lekin jab aap is word ko ek baar notice kar lete hain matlab aapke mind me set ho jate hain to aksar kahin na kahin use hote dikhne lagte hain. aisa is liye hota hai ki isase pahle aap aise words ko avoid karte jate hain .


Isliye koi bhi word ignore ya avoid na kare. Har word important hai. Iske liye aap apne sath me ek dictionary rakhiye. Jahan aapko aise word mile aap film ko pause karke us word ki meaning dictionary me jarur dekhe.

5. English subtitle wali Hindi film dekhe

Aap English filmo ke sath aisi Hindi filme bhi dekhe jinme English subtitle aata ho. Isase aapko English word or uski meaning sath me mil jayegi. Weekly 2- 4 aisi film jarur dekhe.

• Songs or music se English sikhne ke 10 mind-blowing tips

Agar baat aapke interest ki kare to aapko aisi hi film achi lagti hai jo aapko asani se samajh me aati hai. Hindi film aapko easily samajh aayegi. Bas aapko subtitles padhna hai. Subtitles ke sath Hindi movie me aapko English word ya sentence ka matlab nikalne ki jarurat nahi padegi.

6. Tv nahi video player use kare

Tv par movie dekhne ke bajay video player par dekhe. Aapko rest chahiye, kisi word ki meaning dictionary me dekhni hai ya movie ka koi scene slow motion me dekhna or samajhna hai to video player right choice hai. Video player me aap kabhi bhi pause karke video rewind ya forward kar sakte hain.


Aisa video palyer use kare jisme aap youtube video online offline ya download karke dekh sake. Download ki huyi video ko pause, rewind, forward ya slow karke dekh sake. Jis scene ka word aapko samajh me nahi aata use dobara ya slow karke dekhne or samajhne ki koshish kare.

7. Slow topic movie choose kare

Aapka interest chahe jo bhi ho. Aap action movie dekhe ya romantic ya fir thriller mystery dekhe. Lekin ek baat ka dhyan rakhna hai ki aap jo bhi movie Englia sikhne ke mood se dekh rahe hai uska topic slow hona chahiye. Slow topic ka matlab aisi film jisme single story ho or puri film usi story ke idhar udhar ghumti rahe. Aisi film me sentences repeat hote rahte hain or aapko easily yaad ho jate hain. Kuch word or sentence aise bhi hote jo occasional ya situational hote hain. Is tarah aapko single story wali movie se iski achi knowledge ho jayegi.

• Exam me top karne ke liye avoid karne wali ye 10 galatiya

Kayi film aisi hoti hain jisme ek se jyada story hoti hai or climex me sabhi story mix kar di jati hai. Aisi filmo me aapko har baar naye shabd sunane ko milte hain or story puzzelling huyi to aapke liye samajhna difficult ho jata hai.

8. Bina subtitle ki film dekhna start kare

Ye thoda bold step hai. Jab aapko lagane lage ki aap sentences ko samajh sakte hain to aap bina subtitles wali film ya movie dekhna start kar dijiye. Aisa aap beech beech me kar sakte hain. Isase aapko apne andar huyi improvement bhi pta chalegi.

Movies or film se English learning ka reason 

Ek baar ye soch kar kafee ajib lagta hai ki movies se language sikhna possible hai. Kyoki filme, pictures ye sab to time pass ka jariya hai.


Aapko isi time pass se itna kuch sikhne ko milega. Lekin iska proper reason ya fayda to pta chalna chahiye. Jisase sikhne me interest thoda or badh jaye. To chaliye aapko iska proper reason ya fayde bataate hain jisase aaj hi aap ise apne English learning ka madhayam bna le

1. Aapki learning me chhut rahi bahut se chije pakad me aati hai

Learning ke dauran aap ye nischit nahinkar pate ki aap kin kin chijo par dhyan de. Ek sath grammer, rules or vocabulary ko sath me padhna possible nahi hota kyoki ek time me aap ek hi content par work kar sakte hain.

• How to get success - Hindi me jaane

Lekin jab aap Movies  dekhte hai to aapko ek time me in sari chijo ko dekhne or sunane ko mil jata hai. Ab ye aapki memory power par depend karta hai ki aap kya kya ek sath dhyan de sakte hain.


Isme achi chije ye hoti hai ki aap fun hi fun me kafee grammer rules or vocabulary sikh jate hain. Bas jarurat hai to aapke concentration ki.

2. Aap context se English par focus karne lagte hain. 

Film me used context aapki English improve karne me kafee helpful hote hain.


Jaise maan lijiye agar aap romantic film dekhne me jyada interested hain to aisi film dekhte dekhte aap love or romance se related word, subject or context automatically use karne lagte hai.


Aise hi aapko har subject or situation related word or context un par based filmo se yaad ho sakte hain. Jo aapki language learning me helpful honge.

3. Aap real English sikhte hain na Text book ki

Ye to aap bhi jante hain ki kisi bhi real language or text book ki language me bahut fark hota haj. Jab tak aap text book me English ke rules dhundte rahenge tab tak aapko Bahar ki English nayi nayi si or ansuni si lagegi.


Real English aapko movies ki help se mil jati hai. Jab aap is tarah se apni languge ke liye practice karte hain to aapke mind me bahut se aise rules bhi baith jate hai jise bolte time aapko yakin hota hai ki aap jo bol rahe hain wo correct hai. Or speaking me ye confidence kitna jaruri hai, aapko bhi maloom hoga.

4. Har sentence ko bolne ka tarika aapko relax feel karata hai

Jab aapko ye pta chal nata hai ki kaun sa sentence kis tarah or kis speed me bolna hai to bahut se sentence easily aapki tounge par aa jate hain.


Movie dekhne bhar se bahut se conditional or situational sentence aapke dimag me baith jate hain. Or aisi kisi condition ya situation me apne aap muh se nikalte hain or wo bhi bin kisi rule ke.

Eska ek example aapko samjhate hain.

Ek sentence lete hain ' I love you'  . Ab dekhte hain ki ise conditional kaise use kiya jata hai.

' I love you'  Aisi condition jab koi kisi se emotionally bolta hai. Is condition me tone bahut slow or word bahut easy bola jayega.


' I love you ' Kuch aisi condition me jab koi kisi ko gusse me btata hai ki wo usase sach me pyar karta hai. Or samne wale ko pura vishwas karne ke liye force karta hai. Is condition me voice loud or expression angry hoga.

'I love you' Aisi condition jab kisi khuli jagah ( Jaise koi mountain ) par khada hokar kisi ke liye pyar ka ijhaar karta hai. Is condition me voice loud or expression happy hoga.

• Khush rahne ke jabrdast tips

Is example se aap ssmajh gaye honge ki ek hi sentence ko alag expression or voice tone me situation ke according bola jayega. Lekin aisi jankari aapko text book me nahi mil sakti. Iska badhiya source sirf movies pictures hi ho sakti hain.

Last word

Film hamesha se fun or social message ke liye jaani jati rahi hain. Lekin or bhi bahut kuch sikha ja sakta hai. Jaise ki English.


Is post me aapko fun ke sath English speaking improvement ka tarika btaya gya hai or Hindi language me samajhaya gya hai jisase aapko samajhne me muskil na ho. To agar apko is post se ye samajh aa gya hai ki Movies or pictures aapki mehnat ko asaan or safalta dilane me helpful ho sakte hain to aaj se hi aisi film ke collection search karna start kar dijiye ya youtube se dekhiye.


Aap is trick se jude Kisi bhi tarah ke question ke liye comment box me puch sakte hain.