Online Passport asaani se kaise banwaye.

Agar aap desh se bahar jana chahte hai to passport wo pahla document hai jise banwana jaruri hai. Ayiye dekhte hain ki passport kya hai, kaise ise online ya offline banwa sakte hain, ise banwane me kaun kaun se papers lagte hain, iska procedure kya hai or banane me kitna time lagta hai or kitne samay me aapke paas pahuch jayega.

Passport kya hai or kyo jaruri hai

Passport vides mantralay dwara desh ke bahar kisi bhi legal purpuse se jaise ki ghumne, padhne, business karne ya kisi medical treatment ke liye jaane ke liye release kiya jata hai. Under the passport act 1967 - koi bhi indian citizen jo desh ke bahar jana chata hai uske paas travel papers jaise visa or ticket ke alawa passport hona sabse jaruri hai. Bharat sarkar dwara ye kayi tarah ke issue kiye jate hain.

1. Ordianary
2. Diplomatic
3. Official
4. Emergency certificate
5. Certificate of indentity

Passport apply karne ka online procedure kya hai

Step 1:- Sabse pahle aap niche di huyi link par click karke passport seva ki website me jayiye or New user registration par click kariye.

Passport seva


Step 2:- Registration ke liye detail bhariye.

1. Passport office me click rahne dijiye.
2. Apna naam daliye ( Yahan naam ke sath middle name dal sakte hain, surname nahi dalna)
3. Ab Surname dal dijiye.
4. Apni Date of birth daliye.
5. Apna email id daliye.
6. Yahan yes par click kar dijiye. ( Aapki login id bhi wahi rahegi jo aapki email id hai. Ye yaad karne me aasani hogi.)
7. Upar yes par click karne par aapki login id automatic aa jayegi. Ise aise hi chhod dijiye.
8. Ab ek password daliye ( password me kam se kam 8 letter ho. Jisme kam se kam ek small letter, ek capital letter or 0 se lekar 9 ke beech ka koi number hona chahiye. Jyada se jyada 14 letter ka ho sakta hai.)
9. Dubara wahi password daliye.
10. Ek hint question select kariye.
11. Is hint question ka answer likhiye..
12. Ab captcha daliye.
13. Register par click kariye.

Step 3:- Email id verification pura kijiye. ( Jo email id aap dalenge us pr ek mail aayegi. us mail me di gayi link me click karke registration verify kariye.

Aapne successfully passport seva website me registration kra liya hai.

Step 4:-  Ab isi login id or password ke sath login kariye.

Step 5:- Passport process pura kijiye.

1.  Application for- me Fresh pasport daliye. Kyoki aapko nya passport banwana hai.
2.  Type of application-  me normal select kariye

3.  Pages-  me 36 ya 60 me se 36 select kariye. 

4.  Application for minor-   me not applicable select kariye. 

( Note:- is charo details me aap apne hisab se change bhi kar sakte hain. Jaise passport reissue karna hai, tatkal chahiye to tatkal par click kariye, 36 ki jagah par 60 page ka or agar aap 18 saal se kam umar ke liye kisi bachche ke liye banwana hai to minor par applicable par click kar dijiye. )


Step 6:-  Ab jiska passport bnana hai uski details bhariye.

1.  Applicant ka naam daliye. Yahan surname nahi dalna hai.
2. Yahan surname daliye.
3. Agar apka koi nickname ( Real name ke alawa ) hai to yahan dal dijiye. Aapka passport ek badhiya parichay patra ke roop me bhi kaam aa sakta hai. Is liye detail puri dale.
4. Yahan No dal dijiye.
5. Place of birth school certificate se dekh kar daliye.
6. Rajya ka naam daliye.
7. Jile ka naam daliye.
8. Gender me male hai ya female ye daliye.
9. Marital status daliye. Married hai ya unmarried.
10. Citizenship me Indian daliye.
11. PAN card agar hai to uska number dal dijiye.
12. VOTER card ka number daliye.
13. Employment type- me jo work karte ho wo daliye.
14. Minor applicant- me agar kisi bachche ka passport bnwa rahe hai to yes nahi to No par click kariye.
15. Apni education qualification daliye.
16. Non ECR category option me No par click kariye.
17. Visible distinguishing mark me agar aapke sharir me koi nishan ho to uski detail dal dijiye. 
18. Adhaar card number dal dijiye ( agar hai to )
19.  Ab Save my details me click kariye.      

Step 7:- Ab Next par click kar diiye

Step 8:- Ab ek or page open hoga us par aapko apne pita, mata ya kisi legal guardian ki detail dalni hai. Detail dalkar Next par click kar diiye.

Step 9:- Ab ek page or open hoga usme aapko apna residential address bharna hai. Address sahi se bhar kar next par click kar dijiye.

( Note - Dhyan dijiye apki dali gayi details apke original documents se milayi jayegi. Isliye apni details sahi sahi bhariye)

Step 10:- Emergency contact details me kisi aise person ka contact detail dal dijiye jisase aapke sath kisi bhi anhoni hone par sampark kiya ja sake.

Step 11:- Reference details me kisi aise 2 person ki detail daliye. Jo verification de sake ki aapki di huyi detail sahi hai ya nahi or wo kitne din se aapko jante hain. Unki detail bhi sahi sahi bhare kyoki ye bhi unke original document ke sath milayi jayegi.

Step 12:- Previous passport option me No par click kar dijiye. Kyoki aap nya passport bnwa rahe hain.

Ye bhi padhe :-

• Driving licence online kaise bnawaye 

•  Traffic challan online kaise bhare 

•  Online F.I.R kaise likhwaye

Step 13:-  Other details me baki ki jankari daliye.

Step 14:- Ab apni bhari gayi details ko ek baar check kariye. Or Next par click kar dijiye.

Step 15:-  Ab self declaration bhariye.

1.  Jahan se online form submit kar rahe hain. Wo place daliye.

2. Form submit karne ki date daliye. Jaise aaj kar rahe hain to aj ki date.
3. Agar apne application form ko track karna chahte hain or uska sms apne mobile number par chahte hain to is par tick kr dijiye. Iska sms charge bhi aapko lagega.
4. Agar application track nahi karna hai to No I don't want pat click kar dijiye.
 ( Suggestion- ise track par hi click kariye. Jisase aapka application process pta chalta rahe.
5. Ab save my details par click kariye.

Step 16:- Bas ab aapka application passport ke liye submit ho chuka hai.


Passport banwane ke liye fees kahan or kaise jama kare or verification ke liye appointment kaise le

Jab aapka form submit ho jaye to aapko iski fees jama karni padegi.

Step 1:- Pay and schedule appointment par click kariye.


Step 2:- Ab aap apne paas ke PSK ( Passport Seva Kendra ) ko select kariye. Apna PSK Search karne ke liye yahan click kare. Ab appointment ke liye koi aisi date choose kariye jisme aap PSK ja sake. Kyoki is date par aapko pahuchna hi hoga.


Step 3:- Ab PSK select karne ke baad aapko payment karni hai. Aap online ya offline kisi bhi tarah payment kar sakte hain.


Step 4:- Online method select kare. Aap net banking ya credit/debit card select karke payment kar sakte hain. Offline method me aap State Bank of India se challan bharke kar sakte hain..

Step 5:- Ab Aapka passport application form filling process pura ho chuka hai.


Step 6:- Ab is date par aapko apne passport office me sare original document ke sath jana hai or verify karana hai.


Last step- Police verification kaise karaye

Passport office me verification ke bad police verification karana padta hai. Iske liye aapko kuch khaas nahi karna hai. Aapke diye gaye address me aapki area ki police aayegi or aapki puchtach karegi. Aapne application form me jo 2 person ke details dale the. Unse bhi aapke baare me puch-tach ki jayegi.

Police verification me kisi tarah ki koi gadbadi na milne par aapka passport aapke ghar par provide karwa diya jayega.


Paasport ke liye jaruri document kya or kaun kaun se hain

1. Address proof -  Aadhar card, electricity bill, water bill ya Bank pass book ki copy

2. ID proof-  Voter card

3.Birth certificate- 10th class ki certificate


Passport banwane ka asaan tarika

Aksar slow connection ki wajah se ya details bharne me deri ho jane ki wajah se passport application form fill nahi ho pata. Iske liye aapke paas ek or option hai. Aayiye dekhte hain kaise aap asaani se passport ke liye apply kar sakte hain.

Step 1:- Passport seva ki website me jayiye or login id or password ke sath login kariye.


Step 2:- Login karte hi aapke samne is website ki services ki list aa jayegi. Is list se Download e-form  par click kariye.


Step 3:- Ye e- form aapke system me download ho jayega. Ye form same waisa hi hoga jaisa ki upar btaya gya application form. Is form ko aap offline bhar lijiye.


Step 4:- Form ko achi tarah bharke validate & save par click karke system par hi save kar lijiye.


Step 5:- Ab wapas passport seva ki website me jayiye. Or jahan se form download kiya tha usi ke niche upload e-form ka option hoga. Us par click kare.

Step 6:- Ab system me save form ko is website me upload kar dijiye.

Step 7:- Upload karne ke baad aapko aapki detail show hogi. Use dekhe or sab kuch thik ho to continue upload par click kar dijiye.


Aapne apna form asaani se submit kar diya hai. Baki ke fees deposit or appointment ka process same hai jaisa ki upar btaya gya hai. Use kare.


Mobile se passport application ki jankari kaise kare

Videsh mantralay dwara passport ke baare me jankari lene ke liye ek mobile app launch kiya gya hai mPassport seva.

Aap is app ke jariye passport application ko track kar sakte hain.


Samay samay par servuce ko behtar bnane ke liye process change hote rahte hain. Agar aapko form fill karne ya pure process me kahin bhi koi pareshani ho rahi ho to comment karke puchh sakte hain.