Gaanv me karne liye 10 best business ideas.

Agar aap Gaon ( Gaanv ) me rahte hain or kisi aise business ke bare me soch rahe hain jo kam se kam paiso ke sath shuru ho jaye or aapko gaon se jana bhi na pade to aaj mai aapko aise 10 business ideas denge jo na sirf aap village me rahke kar sakte hain balki aap lakho rupaye kama bhi sakte hai.

Image source

Agar aap creative mind person hain to aap apne agal bagal ke mahaul or jarurato ko dekhiye. Aapko kaam hi kaam dikh jayenge. Lekin agar aapke sath aisa nahi hai to chaliye ham thoda madad kar dete hain. 

Gaanv me rahne walo ke liye 10 jabardast business ideas. 

Aaj bhi bahut se ganv ka mahaul aisa ki logo ko dainik jarurato ki chije asaani se nahi mil rahi. Pahle is topic ko sath lekar chalte hain ki gaanv me aksar kin chijo ka abhav rahta hai. Pahle isase jude business ke baare me dekhte hain.

1. Solar panel electricity

Ji haan isme sabse pahla busines bijali yani electricity se related aata hai. Agar ye bhi maan liya jaay ki Aaj ke samay me har gaanv me electricity available hai to bhi ye ideas jabardast hai.

Aap Solar panel selling ka kaam kar sakte hain. Ab aap soch rahe hain ki solar panel ka kaam gaanv me kaise chalega to ye bahut hi simple hai.

Aap Gaanv ke sarpanch ya pradhan( jo bhi aapke puri gaanv ka head ho ) ke paas jakar bijali bachat ke baare me bataye or apne solar panel system ka fayda samajhaye.

Agar aapne ek baar pure gaanv ke mukhiya ko apni baat samajha diya uske baad aap solar panel ka demo dikha kar apni bikri ki shuruaat kar sakte hain. 

Ye bhi padhe

• Jaaniye 1 lakh se kam me start hone wale 21 business ideas

• Online paise kaise kamaye

• Event planning business kaise start kare

• Travel & Tour agency kaise shuru kare

• 8 Arabpati companies jo bina planning ke start huyi

Iske alawa aap school me ja jakar bhi apne customer taiyar kar sakte hain. Ise shuru karne ke liye aap kisi badi market ke solar panel wale wholeseller se contact kare or bina deri kare is business ko shuru kare.

Aap solar based item ki kharidari online bhi kar sakte hain. Or fir ise apne fayde ke sath bech sakte hain. Yahan click karke dekhiye solar based aise bahut se items, jise bech karke aap bahut se paise kaise kama sakte hain.

     Solar based items Yahan dekhe

2. Induction heater selling

Dusra business aap induction heater selling ka kaam sakte hain. Induction heater wo heater hai jo electricity se har tarah ki cooking ke liye bahut badhiya hai. 

Agar ek jile se 50 ganv juda hai or 70% gaanv me bhi bijali hai to aapka business heat hai. Iske liye bhi aapko upar btaya gya idea apnana hoga. Jisme aap village head ya school wagairah me contact karke apne customer taiyar kar sakte hain.

Agar online kharid kar bechna chhte hain to yahan click karke dekhe

  Saste or branded induction heaters

3. Mobile phone

Ab aap soch rahe hai ki mobile phone to koi nayi chij nahi sath hi ye to koi badi baat nahi hai kyoki lagbhag har gaanv me mobile store to khul hi chuke hai. To Mai aapko bata du ki 4G service ne abhi kam se kam 4-5 saal ke liye aapko aisa business ka mauka de diya hai. Jisase aap apna ek naya business khada kar sakte hain.

Aapne Online selliing company Amazon, snapdeal jaisi website me Redmi ka mobile bikate huye to dekha hi hoga. 

Is mobile ki bikri in website me bas kuch ghanto ke liye hi open hoti hai or itani teji se booking hoti hai ki kayi logo ko har bar nirash hona padta hai ki aaj bhi unke haath se acha mauka nikal gya.

Iska karan hai is mobile ka acha feature or sasta daam.

Aapko is kaam ke liye bas kuch aise mobile dhudne hai jo kam daam me ache feature or quality dete ho. Samay ke hisab ka matlab agar 4G ka jamana hai to aap jante homge ki 3G mobile koi nahi kharidega. Chahe aap jitna sasta offer karenge.

To bas kuch aise mobile ka kisi bade market ke bade wholseller se contact karke pta kare or kaam par lag jaye. Online Kharid karke bikri karne ke liye yahan click karke dekhe

     Saste or branded mobile phones

4. Computor technology education group

Aaj bhi gaanvo me log computor chalane ko bahut tedhi kheer samajhte hai. Unhe lagta hai jo computer chlana janta hai use sab kuch aata hai.

Is kaam ke liye aapko shuruaat me 5-7 logo ki jarurat hogi. Aap computer eduction me basic se lekar programming ya hardware or software ke sabhi course rakhe. 

Pahle kuch din aapko dikkat ho sakti hai lekin jab kuch ladke aapke institute se padhkar success honge to aapka institution group famous ho sakta hai.

Dhyan rakhiye ki pahle kuch din aapko paise ke pichhe nahi bhagna hai bas achi education provide karani hai. Iske liye bhi aap village head ko computor ki takat or jarurat batayiye or vilage ko ek powerful village bnakar dikhayiye.

5. Tent house and decoration work

Ye kaam to aap jante hi honge. Log jitane modern hote ja rahe hain business opportunity utni hi badhti ja rahi hai. 

Shahar ho ya gaanv, ab log shadi ya kisi bhi function me har tarah ke decoration rakhna chahte hain. Guest house bhi lagbhag kuch hi village me milenge. 

Ise dekhte huye aapke liye Tent house and decortion ka kaam start kar sakte hain.

6. Suttering store

Ghar banna hai to frame patare or cement milawat ki machine jaisi equipment lagte hain. isliye Suttering business gaanv ya shahar kahi bhi asaani se chal sakta hai. Shahr ke mukable ganv me abhi iske chances jyada hain kyoki gaanv me abhi suvidhaye kam available hain. 

Suttering me aap pahle supporter items se start kare. Jaise lakdi ke fatte, baans or piller wale lohe ke frame ke sath shuruaat kariye fir aap main material jaise cement mixture ki machine bhi or lift wagairah bhi rakh kar apna kaam badha sakte hain.

7. Invertor battery

Invertor battery ka business bhi villages me naam matra ke liye hai. Lekin is suvidha ko apne gharo me lane ki logo ki soch bahut teji se badh rahi hai.

Aap iska fayda samay rahte utha sakte hain. Iske liye aapko sasta jugad taiyar karke gaanvo me iska prachar karna padega.

Is business ko bhi Aap thode paise me bade level ka business bna sakte hain. Sabse pahle aapko aisa invertor battery wholeseller se milna padega jo aapko pura system market kuch kam rate me bna kar de sake. 

Agar aapke contact me aisa koi person hai jo bijali ke kaam achi tarah janta hai to wo aapki achi help kar sakta hai. Aise kam se kam 1 person ko aap apne  business help ke liye jarur rakhe. Kyoki invertor installment ke liye aapko ek aise mistri ki jarurat padegi jo in kam ki jankari rakhta ho.

Anya business

Ab ham kuch or ise buainess dekhenge jo village me rahne walo ke liye village me rahne ke karan jyada assan ho sakta hai.

8. Poultry farm business

Poultry farm business ke liye achi khasi paryapt or khuli jagah chahiye. Jo ki village me hi possible hai isliye shaher ke bajay ye gaanv walo ke liye js business ka jyada acha scope hai.

Poultry me bhi kayi tarah ke business aate hain mere khyal me broiler poultry aapke liye saral or faydemand hoga. Ye padhe

• Broiler poultry farm kaise banaye.

• Broiler poultry me har baar acha fayda kaise kamaye

9. Doodh ki dairy

Gaanv me rah kar ye business kafee famous or acha hai. Iske baare me jyada btane ki jyada jarurat nahi hai. Aapko bas kuch aisi logo se contact karna jo milk production karte ho.

Doodh ki kharidi karke filter machine dwara aap doodh, creame or dahi jaise items ki bikri karke ache paise kama sakte hain. 

Aapne badi badi dairy dekhi hogi jisase doodh ka packet taiyar karke kafee door door tak sell kiya jata hai. 

Aise bade level ke kaam ke liye aapko shuruaat chhoti hi karni padegi. Shuruaat me aap purity or quality ka pura dhyan dijiye. Aapki quality or purity hi aapko is business competition me stand karne me help karenge.

10. Flower farming

Flower farming ka matlab phoolo ki kheti. Ji haan agar aapke pas thodi si jaamen jagah hai to aap us par phoolo ki kheti karke achi kamayi kar sakte hain. 

Agar aap soch rahe hain ki aapko inhe bechne ke liye gali gali bhatakna padega to galat hain. Thoda bada or high standard sochiye. 

Aap iske liye Tent house, Guest house, flower decoration, event planning karne walo se contact kariye. Ye log aapke is business ko Apne business ke liye hi support karenge or aapko flower farming karke inhe delivery deni hogi.

Final word

Waise karne ko to village area me bahut se business hain lekin aapko aise 10 business ideas bataye ja rahe hain jo kuch hatkar hain. Or thoda high standard hain.

Filhal in business ko aap ek baar apne mind me rakhiye or shuruaat kariye. Agli post me aapke liye kuch or badhiya business ideas diye jayenge. Tab tak hamare facebook page ko like jarur kare.