Jio phone launch ki Hindi jankaari- free me padega pura mobile or plan

Jio phone launching se judi kayi fake news youtube or bahut si website me aapne pahle bhi dekhi hogi ya suni hogi. Filhal ab Jio company ne khud iska khulasa kar diya hai.

Aayiye dekhte hain ki Jio ka naya launch hone wala mobile phone hame kitne ka padega. Ye matra ek smartphone hai ya full feature phone, ye kab tak launch hoga, iski booking kaise hogi or iske sath kya kya plan hoga.

Jiophone me kya kya features honge

Features ki baat kare to jiophone me best feature phone ki sabhi khubiya hone ke alawa smartphone ki bhi sabhi qualities available hogi. Jiophone me alphanumeric keypad, compact design, sd card slot, tourchlight, FM radio ki khubiya bhi hongi.

Ye phone 22 language ko support karega. Iski screen 2.4 inch OVGA display hogi. Sabse khaas baat phone 4G Volt Technology par kaam karega. Is phone ko aap TV se connect karke bhi chla sakte hain.

Isme keypad dwara emergeny alert service ki bhi suvidha hogi.

Matlab agar aap ab tak featured phone chalate chalate smartphone ki in qualities ko bhul chuke the to ab aapko ye fir se dekhne milengi. 

Waise Jio ne clear kiya hai ki wo is phone ke jariye vartman me chal rahe featured phone ko replace karna chahti hai.

Jiophone ka price rate kya hoga

Log sabse jyada is baat ko lekar jyada excited hain ki kya jio ka phone bhi Jio sim ki tarah free milega ya agar nahi milega to iska rate kya hoga. 

Jio phone ne apna mobile phone bilkul free rakha hai. Ji haan iska koi daam nahi rakha gya hai. Ye ekdam muft hoga. 

Lekin iske liye Jio ne ek alag system socha hai. Ye phone aapke paas to hoga lekin aapki nahi balki Jio ki sampatti ki tarah.  

Read also

• Jio caller tune kaise lagaye- message se

• Jio caller tune kaise lagaye - music app se

• Jio ki speed kaise badhaye

• Jio chat se video confercing kaise kare

Agar aapko samajh nahi aaya to thoda dhyan se samajhiye. Jio jo phone aapko degi wo phone hoga to aapke paas, lekin us par adhikar jio company ka hi hoga.

Lekin ab aap soch rahe honge ki ek baar phone paane ke baad aapko koi kahan dhundega. To chaliye ye bhi aapko samajha dete hain. 

Iske liye company aapse 1500₹ security money ke roop me legi. Is paise ko aap 3 saal baad kabhi bhi phone lauta kar wapas le sakte hain.

Jiophone ki booking kaise or kab se hogi

Jio ke smart plus featured phone ki booking 24 August se start ho jayegi. Phone ki delivery PAHLE AAO PAHLE PAAO ke tarj par September mahine se shuru kar di jayegi.

Matlab agar aap is phone ko lene ke liye interested hain to 24 August ya uske baad jitani jaldi ho sake iski booking karaye.

Jio phone ki booking Myjio App ya jio ke local office se ki ja sakti hai. 

Jio mobile handset ke sath jio plan 

Jio phone handset ke sath aapko jio ka plan bhi sasta milega. Ab tak jio ka jo dhan dhana dhan offer aapko 309₹ me milta hai. Jio ke handset par wohi plan aapko sirf 153₹ me mil jayega. 

Pahle ki hi tarah is plan par aapko unlimited data ke sath voice calling bilkul free milegi. Jaisa ki pahle btaya ja chuka hai ki aap jiophone handset ko Television se bhi jod sakte hain. Iske liye aapko 309₹ wala plan hi lena padega. Jis par 3-4 ghante TV par video dekh sakte hain.