Online income tax return kaise file kare

Ab aap online ITR yani income tax return file kar sakte hain. Waise to aap ITR online ya offlune kisi bhi tarike se bhar sakte hain lekin agar aapki income har saal 5 lakh ₹ se jyada hai to aapko apna Income tax return online hi bharna padega. Aayiye dekhte hain ITR ki e-filing ka process kya hai.

Income tax return online bharne ka tarika

Iske liye aapko internet me kayi mobile app mil jayege. Ya aap chahe to direct Tax department ki website se ise file kar sakte hain. Yahan mai aapko Isi website se ITR file karne ki jankari dunga.

Step 1:-Sabse pahle niche di huyi website ko open kariye

Incometaxindiaefiling.com

Agar aap pahli baar is website se ITR bhar rahe hain to pahle aapko is par Registered hona padega.

Step 2:- Website open karte hi aapko Registered yourself ka option dikhayi dega. Is par click kariye.

Step 3:- Ab ek new page open ho jayega. Is page par aapko form sa dikhega. Isme aapko apni detail dalni hai. 

Note:- Detail me email id or phone number ko dhyan se wahi dalna hai jo chal rahe ho. Kyoki us par ek OTP aayega. Jise aapko follow karna padega.

Step 4:- Pura form ache se bharne ke baad Register par click kar dijiye. Register par click karte hi aapke email id par ek mail aayegi. Ise open karke dekhiye.

Step 5:- Mail me aapko ek link milega. Is link par click karke ise open kariye.

Read also

• Online passport kaise banaye

• Online driving license kaise banaye

• Online marriage certificate kaise banaye

Step 6:- Link ko open karne ke liye aapko ek OTP dalna hoga. Ye OTP aapke mobile number par aayega. Ye wahi mobile number hoga jo aapne registration ke time dala hoga.

Step 7:- Bas aapka registration prakriya puri ho chuki hai. Ab aap log-in karke apna ITR bhar sakte hain.

Step 8:- Log-in karne ke liye aapka username aapka PAN card hoga or PAN card par di gayi date of birth aapka password hoga.

Step 9:- Log-in karke 'Prepare and submit online ITR' wale option par click kariye.

Step 10:- Ab aapko jis year ka ITR submit karna hai. us year ka form select kariye. 

Form me aapke dwara bhra jaane wala tax show hone lagega. Ab aap check kar lijiye ki aapki calculation or online calculation me koi antar to nahi hai.

Step 11:- Ab form me baki sara kuch bhar kar use save kar lijiye. Ab preview and submit par click kar dijiye.

Step 12:- Click karte hi aapke Income tax return form ka pura preview open ho kar aapke samne aa jayega. Ek baar ise fir se check kariye or fir Submit par click kar dijiye.

ITR ko online upload karna

Submit karne par aapka ITR upload ho jayega. Ab aapko ise verify karne ko kaha jayega.

Agar aapka digital signature register hai to aap upar bataye gaye steps me final submit ke time apna digital signature submit kar sakte hain

Read also

• Life insurance kaise claim kare

• Health insurance kaise claim kare

• Vehicle insurance kaise claim kare

Digital signature ke sath ITR submit karne ke baad aapse verification ke liye dobara nahi poocha jayega.

Kaise pata chalega ki ITR submit her chuka hai

Aapka ITR successfully upload ho jaane ke baad ek mail aake email Id par ayega. Jo acknowledge ya ITR V hoga. 

Verify karne ke baad income tax department aapke ITR ka process start kar dega. Aapka ITR process pura ho jane ke baad aapko iski jankari aapke mail id or mobile number me de di jayegi.